EN VACANCES

En vacances. Un dia de torbeg trapen un esquiador mòrt. Ei estonant qu’age volut baishar aquera pala en un dia tant de dolent. Eth director dera estacion se queishe dera imprudéncia creishenta dera gent, non compren perqué an besonh d’anar a cercar eth risc quan i a tanti quilomètres esquiables. Costarà d’arténher eth lòc a on a queigut, mès n’an de hèr eth rescat. Era familha non compren com s’a pogut aucir. Es asseguradores demanen era autopsia, çò que descobrissen en hèr-la hè qu’es Mòssos d’Esquadra volguen investigar. A viatges un petit indici pòt cambiar es circonstàncies d’un eveniment atau.